我只係有感而發，喺飛機上面呢五粒鐘Crew rest時間，打左呢篇野，希望阻你幾分鐘睇下呢段廢話。
有一段時間只係飛短途機，今年開始飛返多啲長途機，始終最愛嘅都係美國東岸 🇺🇸
我中意飛東岸嘅原因，除左係因為回程全程都係日頭，唔洗捱夜之外；最正就一定係窗外嘅景色。
世界這麼大，我地冇可能踏足每一個角落，但喺三萬五千呎望落去，原來一啲杳無人煙嘅地方，真係好靚 😍
不過有冇諗過呢啲無人之境，好可能係未年嘅日子消失，正正就係因為全球暖化現象，加劇左北極地區嘅融冰情況，好可能將來我地飛過呢啲地方，見到嘅只係汪洋一片，而唔係白茫茫嘅冰土。
可能你會話北極融雪關我鬼事？
北極融冰，全球水位上升，宜家嘅低窪地區會被水淹沒，香港亦唔可以獨善其身，即使我地呢一代未必會見到，但下一代呢？咁你覺得關唔關你事？
Search